Woodgate-a'n Liverpool a zawm

England international hlui Jonathan Woodgate chuan scout ni turin Liver-pool a zawm a, Europe-ah Reds player tur a thlithlai ṭhin ang.

Kum 36-a upa defender hian season hmasa khan Middlesbrough tan a la khel a, Championship club hi Premier League-a a kaipui hnuah May thla khan chhuah zalen niin inkhelh leh ai chuan scout nih a thlang ta zawk.

England tana vawi riat inlan tawh defender hian khelmuala kum 18 hun a hman chhungin Middlesbrough, New-castle, Tottenham, Stoke leh Real Madrid tan a khel tawh a, Liver-pool tana scout hna thawk tur hian Spain-ah inbengbelin Portugal lam pawh thli-thlai fo tura tih a ni.

Liverpool-in tun hnai-ah rawlṭha ṭha tamna Spain leh Portugal aṭang-in player an lalut fuh hleithei lo a, tun hnaia an lakluh zingah Iago Aspas, Luis Alberto, Joao Carlos Teixeira, Tiago Ilori, Lazar Markovic, Ja-vier Manquillo leh Aly Cissokho te chu an hlawh-chham tih theih a ni a, Alberto Moreno chu tun dinhmuna hlawhtling ber a la ni rih.