Liverpool chhuahsan a har lo - Allen

Pound maktaduai 13-a Stoke City zawmtu Joe Allen chuan Liverpool chhuahsan tura thutlukna siam a har loh thu a sawi chhuak.

Euro 2016-a Wales tana player pawimawh Allen chuan, "Thutlukna siam harsa a ni lo a, inchhirna tur pawh ka nei lo. Ka hmalam hun ka ngaihtuah a, kum 26 chauha upa ka la nih avangin hmabak êng tak ka la nei a ni," tiin Reds a chhuahsan vanga a inchhir loh thu a sawi.

Kum 26-a upa Allen chuan a chhuah chhan sawiin, "Coach thar an awm chuan an khelhdan mila kan khelh theih a
ṭul a, Liverpool-ah khan beiseina sang tak nei mah ila Klopp ka hmin tawk lo. Dik taka sawi chuan midfield-a khelhna hmun chang pha turin season tluanin inelna a nasa a, chuvangin vuina tur ka nei lo. Bench-a hun tam zawk hman ka duh loh avangin khel phakna tura chhuah hi ka duh a ni," tiin Jurgen Klopp-a hnuaia rinrawl a nih phak loh thu a sawi.

Allen-a club thar Stoke City hian zanin dar 7:30-ah an Premier League match hmasa ber turin kai thar Middlesbrough an hmachhawn ang.