Special game-ah 'The Special One'

Bournemouth-in Pathianni zan dar 6:00 hian Dean Court-ah Man-chester United an mikhual dawn. Cherries ma-nager Eddie Howe chuan an inkhel tur chu 'spe-cial game' tiin a sawi. The Special One - 'Jose Mou-rinho' kaihhruaina hnuaia Zlatan Ibrahimovic inlan tur hi inkhel danglam tak chu a ni ngei a, amaherawhchu khawvel player manto ber Paul Pogba a inlan dawn loh vangin a 'special' tawk lo.

Kum 38 leka upa Eddie Howe hian nikum khan Premier League kai thar Bournemouth chu table-ah 16-na a nih pui a, season tluanin tlak hlauhawmah an awm lo. Cherries boss chuan, "Manchester Uni-ted-in min tlawh tur hi a phurawm a, inkhel dang-lam bik a ni. Kan team hi season liam ta aiin ṭha zawk mah ila team dang pawhin hma an sawn vek. Kan mualah result ṭha zawk kan neih a ṭul a ni," a ti. Bouremouth hi an mualah vawi 9 zet an chak lo a, khualmualah point an hlawh chhuak hnem zawk.

Cherries hian club record-in Liverpool aṭangin Jordon Ibe (£15m) an lalut a, club lian ni lo mah se player pariat zet transfer laia an lakluh avangin United tan point hmuh awlsamna tur a ni lo ang.

Manchester United manager Jose Mourinho-a player lei thar zingah pound maktaduai 30 man defender Eric Bail-ly chuan Community Shield-ah man of the match dinhmun a luah der tawh a, Ibrahimovic-a'n chakna goal a khung bawk. Amaehrawhchu pound maktaduai 89 man midfielder Pogba hi Football Association web-site-in hrem vanga khel thei lo player an tarlan zingah an telh a, Chris Smalling nen Cherries an hmachhawn thei lo ang. French midfielder hrem a nih chhan hi nikum Italian Cup-a Juventus tana yellow card vawi hnih a hmuh vang a ni.

Bournemouth mana-ger Eddie Howe-a'n chan-chin ngah tak Zlatan Ibra-hi-movic an ven bik loh tur thu a sawi a, Cherries hmachhawn tur Swedish striker a inhrosa nasa hle. Ajax, Juventus, Inter, Bar-celona, AC Milan leh Paris Saint-Germain a league nomawi chawi tawh striker chuan, "Pa fel tak ka ni a, mah se khel^-mual chhungah chuan sakeibaknei ang mai ka ni. Inrintawkna ka nei a, ka inhrechiang em em bawk. Chu chu misual leh chapo nihna a ni lo. Mihringin theihna sang tak kan neihah hian ka rinna ka nghat a, ka tum ti hlawhtling turin theihtawp ka chhuah ṭhin," tiin a sawi a, Cherries defender tan hna a awlsam dawn lo.

Manchester United-in Louis Van Gaal-a hnuaiah season hnih chhungin FA Cup vawi khat chawi mah se an duh ber league nomawi an chawi lo a, pound maktaduai 250 chuang pawisa sengtu manager hi an ban. Mourinho-a'n Old Trafford-a transfer bazar a hman hmasak berah pound maktaduai 145 bawr vel a seng tawh a, a hna hmasa ber tur chu league nomawi chawi a ni ang. Portuguese manager Mourinho hian league match hmasa berah chak loh a la nei ngai lo.