Britain ngam loh Henderson

Rio Olympic khelh mekah champion tura rinkai Great Britain tlangval Greg Rutherford-a'n long jump inelnaah American tlangval Jeff Henderson a tluk lo. Henderson hian final round-ah 8.38m zuangin gold medal a dawng.

Olympic, World, Common-wealth leh European champion ni kawp vek thei Rutherford hian 8.29m chiah a zuan avangin bronze medal-ah a lungawi a ṭul a, pahnihna chu South Africa aiawhtu Luvo Manyonga (8.37m) a ni thung.