100m hmeichhe tlan chak ber Thompson

Jamaican sprinter Elaine Thompson chuan champion lai Shelly-Ann Fraser-Pryce hnehin Rio Olympic hmeichhe 100m intlansiakah gold medal a dawng.

Kum 24-a upa Thompson hian hnehna chang turin 10.71 seconds chiah hun a hmang a, pahnihna Fraser-Pryce hian 10.86 seconds hun a hmang thung. United States aiawhtu Tori Bowie chuan bronze medal dawng turin 10.83 second hun a hmang ve bawk.

Kum 29-a upa Fraser-Pryce hian 2008 Beijing leh 2012 London-ah khan 100m intlansiakah hian hnehna a lo chang tawh a, infiamna khawmpui liana he inelna bika vawi thum hnehna chang thei hmasa ber nih a tumna chu a hnam puinu in a thai bo sak ta a ni.

Olympic gold medalist Thomp-son chuan, "Tiam chin ka thlen a, hnehtu ka ni tih ka inhriat khan eng tiang chiaha lawm tur nge tih pawh ka hrethiam lo zawk hial," tiin pakhatna nih chu a beisei phak bak a sang a nih thu a sawi chhuak.

Fraser-Pryce chuan, "Jamaica ramin 100m title a kawl chhunzawm tur hi ka lawm a, ka training pui ngeiin hnehna a chang hi ka lawmpuiin Jamaican nih a nuam a, inchhuanna tham a ni," tiin a sawi ve bawk.