Sania leh Bopanna chak lo

India tan tennis-ah gold leh silver medal beiseina a tawp tawh a, beisei tur la awm chhun chu bronze a ni ta. Sania Mirza leh Rohan Bopanna te ṭangdun chuan final an lut zo lo a, pathumna an zawn a ngaih phah ta a ni.

Indian duo hian quar-terfinal-ah Great Britain aiawh Andy Murray Hea-ther Watson te straight set-in an hneh a, semifinal-a an khingpui American pair Venus Williams leh Rajeev Ram te lakah pawh harsa lo takin set la hmasa thei mah se a tawp lamah an talbuai a, 6-2, 2-6, 3-10 in a chak lo zawkah an ṭang.

Sania leh Bopanna te hian an khel chhe lo a, final lut tur pawhin beiseina an nei hman. Mahse, tie break an khelh laiin Olympic doubles-a medal pathum lo dawng tawhtu Venus aia tawnhriat an neih tlem an tuar a ni.