Great Britan mawina Mo Farah

Mo Farah chu Great Britain athlete zinga track and field bika Olympic medal pathum dawng thei hmasa ber a ni ta! Farah hian minute 27 leh second nga chhunga 10,000m tlan thlengin Rio Olympic neih mekah an ram tan gold medal a hlawh chhuak.

Kum 33-a upa Farah hnungah hian Kenya long distance runner Paul Tanui thlengin silver medal a dawng a - Ethiopia tlangval Tamirat Tola chuan bronze medal a dawng ve bawk.

Britain fachuam Far-ah hian 2012 London Olympic-ah khan 5000m leh 10,000m-ah te a lo champion tawh a, Ningani khian 5000m intansiakah a inlan leh ang.

Kum 1976 khan Finland tlangval Lasse Viren chuan Olympic-ah 5,000m title a lo humhim tawh a, hemi hnu hian 'Olympic distance titles' pahnih la zawn thei an la awm ngai lo. Farah hian hnehna a chang leh thei a nih chuan Viren-a record lo siam tawh hi a tluk dawn chiah a ni.