Juve tan Gonzalo Higuain inlan

Serie A champion Juventus chuan season thar inbuatsaih nan Espanyol chu friendly match khelh puiin 2-2 in an inhnehtawk. Tun nipui laia Napoli
aṭanga an lakluh Gonzalo Higuain chuan a club thar tan a vawi khat nan inkhel bul ṭan mah se goal a la khung lo.

Espanyol tan forward Leo Baptistao chuan minute 10-na lekah Juve keeper Gianluigi Buffon dan hman lohin goal khung mah se Turin club tan hian striker Mario Mandzukic-a'n goal an phurh
aṭanga minute kaw hnu lekah an si phurh a sut. Gerard Moreno chuan Espanyol goal hnihna khung mah se hun tawp dawnah Paulo Dybala chuan goal a khung leh avangin an inhnehtawk.

Manager thar Frank de Boer kaih-hruaina hnuaiah Inter Milan chuan sea-son thar inbuatsaihna nei ṭha nghalin Celtic lakah 2-0 in hnehna an chang bawk.