Spain tan Nadal leh Lopez

Rafael Nadal leh a ṭhian-pa Marc Lopez te chuan Spain tan Rio Olym--pic-ah gold medal an dawng. Spanish tlangvate hian Romania duo Florin Mergea leh Horia Tecau te ṭangdun chu 6-2, 3-6, 6-4 a hnehin mipa doubles-ah an champion.

Nadal chuan, "Ram tana inlan thei nih hi a nuam a, gold lak ngat phei chu a hlimawm leh zual. Ka ṭhian ṭha berte zinga mi nen hetiang hun nuam bik kan tawng dun thei hi ka lawm hle," tiin a sawi.

Spanish star Nadal hian thla hnih leh a chanve chhung a inkhelh theih loh hnua inbuatsaihna ṭha nei hman meuh lo chunga medal an hlawh chhuak chu a hlut thu a sawi tel bawk. Grand Slam vawi 14 champion tawh Nadal hian 2008 Beijing Olympic-ah khan an ram tan singles-ah gold a lo dawng tawh a, kuminah hian ban rek na vangin a inlan thei lo teuh hle.

Rio Olympic neih mek-ah ruah sur vangin inkhel hun ṭhenkhat siam rem a ni a, mixed doubles
aṭangin Nadal a inhnuh^-dawh a ngaih phah. Kum 30-a upa Nadal hi singles-ah semifinal lut bawk mah se Argentina tlangval Juan Martin del Potro lakah 5-7, 6-4, 7-6 (7-5) in a hneh lo thung.

Semifinal lehlamah world number 2 Andy Mur-ray chuan Japanese Kei Ni-shikori lakah 6-1, 6-1 in hnehna a lo chang ve bawk. Great Britain fachuam Murray leh first round-a world number 1 Novak Djokovic hnehtu Del Potro te hian nizan khan final an khel a, result kan hre hman lo.