Moyes-a hnuaia harhna

Everton-in David Moyes hnuaiah point thum hlu bik an hlawh chhuak a, Pathianni zan khan Tottenham Hotspur 3-2 in an hneh. Toffees hian Dominic Calvert Lewin, Iliman Ndiaye leh Archie Gray te goal hmangin first half-ah 3-0 ngawtin hma an hruai.

Second half-ah Spurs-in Dejan Kulusevski leh Richarlison te hmangin si phurh an sut ṭhen a, hun tawp lamah Toffees talbuai mah se hunin a daih tawh lo.

Ange Postecoglou hoten season an hmang ṭha lo a, point 24 hmuin 15-naah an awm. Spurs manager hi ban thei dinhmunah a ding mek a, chutihrualin League Cup nomawi beiseina erawh a la nei thung.

Moyes-a hoten hnehna an chan zarah point 20 an hmu a, Spurs aiin point li chauhin an hmuh tlem a, relegation zone aṭangin point li thoin an him. Toffees hian January 25, Pathianni zanah Man United hnehtu Brighton & Hove Albion an hmachhawn ang