Atletico-in Leverkusen mikhual dawn

Spanish La Liga-a chak lo hlim Atletico Madrid chu zanin dar 1:30 hian Champions League khel turin an inlan dawn a, German champion Bayer Leverkusen an mikhual dawn avangin a awlsam lo ang.

Atletico hian inelna hrang hranga match 15 zet a zawna an chak hnuin, an league match hnuhnung berah rin loh takin Leganes an ngam lo a, an hmahruaina pawh Real Madrid-in an chhuhsak.

Hetiang boruak karah hian Leverkusen an mikhual dawn a, Xabi Alonso naute hi inelna hrang hrangah match 25 a zawnin an tlawm lo tawh - Atletico tan a awlsam lo ang.

Atletico hian UCL-ah match ruk khel tawhin, vawi li an chak a, vawi hnih an tlawm. Match hnih chiah khelh tur a awm tawh avangin direct-a last 16 lut turin an tan zanina chak a pawimawh - Leverkusen pawh match rukah vawi li tho an chak a, vawi khat chiah an tlawm thung.