East Bengal tlawm leh tawh

December thla tawp lamah league match thum a zawna point an hlawhchhuah khan East Bengal an phur viau hman a, mahse, an phurna chu rei lotêah a thamral - match thum a zawnin an tlawm ta.

Kolkata club hian Pathianni zan khan FC Goa chu khualmualah an lenchilh a, 1-0 in an ngam lo. Minute 13-naah Brison Fernandes chuan inkhela goal awmchhun a khung a, East Bengal-in a chhanletna tur an nei lo.

Goan club tan erawh league match 11 chhung a zawna an tlawm lohna a ni ta a, an lawm erawh a kim lo. Armando Sadiku chu hun pek belhah hnawhchhuah a ni.

FC Goa tan hian Ayush Chhetri chu bench aṭanga luhtir a ni a, East Bengal tan Lalchungnunga leh David Lalhlansanga ten inkhel bul an ṭan a, bench aṭangin Mark Zothanpuia a lut bawk.