Como pantu Dele Alli

Dele Alli chuan Serie A club Como a zawm a, a football zinkawng bumboh tak mai chu herrem leh theih beiseina nen Italy ramah a inkhel dawn tihna a ni.

Alli hian theihna sang tak a nei a, tun hma chuan Tottenham leh England tan player hmunawm a ni ṭhin, mahse khelmual pawn lam buaina neuh neuh a nei fo, a nih tur ang a ni phak ta lo.

Kum 28 mi Alli hian Como tan thla 18 daih contract a ziak a, kum khat dang atana pawhsei leh theih tura tih a ni bawk - a kum a la tam lo a, tho chhuak leh turin hun a la neia ngaih a ni.

Como coach Cesc Fabregas chuan, "Kan club chuan Dele theihna hi kan hmu a, kan team ti chak turin amah pawh a inpeih, chuvang chuan inremna pawh kan ziak. A tawnhriat leh hruaitu ṭha a nihna hi kan tan a ṭangkai ang," tiin a sawi.