Siraj-a'n India team-a tel a phu–Aakash Chopra

India cricketer hlui Aakash Chopra chuan Champions Trophy squad-a Mohammed Siraj tel a nih loh chu mak a tih thu a sawi. India aiawh tur hi January 18, Inrinni khan an puang a, Rohit Sharma hoin an khel ang.

BCCI hmunpui Mumbai-ah chief selector Ajit Agarkar chuan India aiawh tur player 15 hming a chhiar chhuak a; Jasprit Bumrah leh Mohammed Shami te chu bowling hmanga India innghahna tur a ni.

Aakash Chopra chuan, "Ka ngaihdan chuan Mohammed Siraj hi team zinga tel a phu. Team-ah hian left arm spinner pahnih leh one off spinner an awm a, heng zinga pakhat paih hian Siraj hi a tel awm tak a ni. Chu chauh ni loin Ravindra Jadeja aiah pawh a tel theih," tiin Siraj tel lo chu pawi a ti hle.

Chopra chuan sawi chhunzawm zelin, "Siraj hi ko ta se, khelhna chance a nei lo maithei. Mahse, dik taka sawi chuan khel lo tur ve veah Jadeja aiin a khelhna chance a sang zawk ang.

"January 2022 aṭang khan tu nge ODI khel tam ber? Siraj. Tuin nge over vawm hnem ber? Siraj. Maiden tu nge vawin hnem ber? Siraj. Bumrah zawhah tu nge economy nei ṭha ber? Siraj," tiin ṭan chhan ṭha tak a sawi bawk.

Siraj aiah hian Arshdeep Singh thlan a ni a, Yashasvi Jaiswal chu ODI squad-ah a vawi khat nan koh a ni a, reserve opener tura ngaih a ni. India hi champion lai leh inelna thlengtu Pakistan bakah New Zealand leh Bangladesh te nen group A-ah an awm ho a, group B-ah Australia, Afghanistan, England leh South Africa te an awm thung.