Carabao Cup champion tan European football

English football-a inelna langsar ve tak Carabao Cup champion chuan season thar aṭang chuan European football an khel tawh dawn a, inelna an hmachhawn tur erawh tun hma anga Europa League ni loin UEFA Europa Conference League a ni ang. 

European football-a Champions League leh Europa League hnuaia inelna ni tur Europa Conference League hi December 2018 khan khelh a nih tur thu puan a lo ni tawh a, season thar aṭangin an khel ṭan dawn a ni. 

League Cup tia hriat lar zawk Carabao Cup inelnaa champion team hian playoff round aṭangin Europa Conference League hi an khel ṭan dawn a, ECL champion hi Europa League khel turin an tling ṭhin ang. 

UECL-ah hian group stage-ah team 32 an tel dawn a, Europa League rualin Ningani zanah khelh ṭhin a ni ang. UECL group stage-ah hian European ram tenau zawkte aṭangin club an tel ang a, Spain, Italy leh Germany-a parukna ten an khel bawk ṭhin dawn a ni. 

League Cup second round hi nizan aṭang khan khelh ṭan a ni a, Premier League club-te chuan inelna hi second round aṭang hian an hmachhawn ve ṭan chauh a, English top flight club zingah nizan khan West Ham, Newcastle United, Bournemouth, Crystal Palace leh Aston Villa te an inlan a, he thu buatsaih lai hian result kan hre hman lo.