Mirza leh Bopanna tan medal awm ve lo

Rio Olympic-a India-in medal a beiseina a la hlawhtling thei lo chhunzawm zel. Pathianni zan khan tennis mixed double khelh niin Sania Mirza leh Rohan Bopanna te ṭangdun chuan bronze medal an hlawhchhuak zo lo.

Indian duo hian semifinal-ah American pair Venus Williams leh Rajeev Ram te an hneh lo nachungin bronze medal la thei dinhmunah an ding. Court 1, Olympic Tennis Centre-a inkhelah Czech Republic aiawhtu Lucie Hradecka leh Radek Stepanek te 6-1, 7-5 an hneh leh chuang loh avangin India-in medal an la lo chhunzawm zel.

Olympic chanchinah India hian tennis inelnaah medal pakhat chiah a la dawng ve a, kum 1996 Atlanta Olympic khan Leander Paes chuan mipa singles-ah bronze medal a lo dawng tawh a ni.