Gymnastic-a palina Karmakar

India-in kum 1964 hnua Olympic-ah artistic gymnast a neih hmasak ber chu Dipa Karmakar a ni. Tripura nula hian Vault-ah final lutin Pathianni zan khan final neih a ni a, point 15.006 hmuin palina a ni.

Rio Olympic hmei-chhe Vault inelnaah hian United States gymnast Si-mone Biles (15.966) chu pakhatna a ni a, Russia nula Maria Paseka (15.253) leh Switzerland star Giulia Steingruber (15.216) ten a hnung an zui. Karmakar-i'n pathumna a phak lohna chu point 0.150 chiah a ni.

Kum 23-a upa Kar-ma-kar chuan, "Tun ṭum hi ka tan Olympic vawi khatna a ni a, lungngaihna tur a la awm lo a. Tokyo 2020-ah theih tawp ka chhuah leh ang," tiin medal dawn theih ve ngei a inbeisei thu a sawi.