NorthEast United-ah Ivorian midfielder

Indian Super League club NorthEast United chuan Ivory Coast international Koffi Christian Romaric N'Dri an lalut. Kum 33-a upa midfielder hian Europe-a club langsar tak tak Sevilla, Real Zaragoza, Espanyol leh Bastia tan a lo khel tawh ṭhin a, Highlanders tan innghahna tham a ni.

Ivory Coast tana vawi 44 inlan tawh midfielder hian Sevilla tan a khelh laiin Copa del Rey nomawi a lo chawi tawh a, kum 2006 khan Africa Cup of Nations-ah an ram chu final a hruai thleng bawk. Season hman zawh takah khan Athletic Club Omonoia Nicosia tan khelin Cyprus club tan hian vawi 33 a inlan.

Hetihlai hian Pune City chuan Spanish striker Anibal Zurdo an lalut. Kum 33-a upa striker hi Pune coach Antonio Habas nen hian kum 2005 khan Valencia-ah an lo inhrawn tawh a, season hman zawh takah khan Spanish second division club Gimnastic tan a khel a ni.