Spanish Super Cup Barcelona-in nomawi an hnaih

Pathianni zan khan Sevilla leh Barcelona te chu Supercopa de Espana (Spanish Super Cup) first leg-ah an inhmachhawn a, Barcelona hian 2-0 a hnehna changin second leg hi Nilani zanah Nou Camp-ah khelh leh tur a ni ang.

First half-a goal a luh loh hnuah Barcelona-in second half-ah goal hnih an khung a, Denis Suarez, Arda Turan leh Luis Suarez ten mawi taka ball an inpek kual hnuah Uruguayan striker hian minute 54-naah goal hmahruai a khung.

Hun tawp nan minute kua chiah a awm tawh tihin Barca rawlthar duhawm Munir El Haddadi chuan goal hnihna a khung a, captain Lionel Messi siamsak a ni. Spanish forward hi La Liga lamah pawh kan la hmu dawn chauhin a rinawm.

Barcelona manager Luis Enri-que chuan, "Kan tumah kan chiang a, chumi atan chuan kan theihna zawng zawng kan pe ṭhin. Nomawi chawi theih zawng zawng chawi kan duh a, result ṭha tak kan nei a ni. Tlar hma leh hnung lamah ṭha takin kan khel a, engkim kha ka tan chuan lawmna tur a ni," tiin a naute khelh dana a lawm thu a sawi.