I Day Hmeichhe Football-ah Aizawl FC

16th August, 2016

Independence Day Hmeichhe football final chu nimin Lammualah khan khelh zawh a ni a, Aizawl FC chuan 2-0 a Champhai DFA hnehin champion nomawi an chawi.

Aizawl FC tan forward K. Lalruatfeli chuan minute 36 leh 57-naah goal khungin Champhai lamin an chhanglet thei lo a, chunung zawkah Aizawl FC an ṭang ta a ni.

Champion Aizawl FC hian nomawi bakah pawisa faiin Rs. 20,000/- an dawng a, pahnihna Champhai DFA hian Rs. 10,000/- an dawng thung.

Mimal lawmman

Best Player : K. Lalruatfeli, Aizawl FC

Top Scorer : Lalhmangaihzuali (7 goals), Champhai

Fair Play : Aizawl FC

*Top scorer leh Best player hian Rs 1,000/- ve ve an dawng a, Fair Play Award dawngtu Aizawl FC hian Rs 5,000/- an dawng bawk