Ram tan Shaunae Miller che ropui

Bahamas nula Shau-nae Miller chu Rio Olym-pic hmeichhe 400m intlansiakah pakhatna a ni. Miller hian world champion Allyson Felix thlen khalh turin a zuang (dive) a, American nula aiin 0.07 second in a thleng hmasa zawk.

Kum 22-a upa Miller hian a tum ruhna zarah second 49.44 chiah hun hmangin an ram tan gold medal a hawn. Olympic gold medal vawi li dawng tawhtu Felix erawhin second 49.51 hun hmang-in silver medal a dawng a, Jamaica sprinter Shericka Jackson chu pathumna a ni bawk.

2015 Beijing World Championship 400m intlansiakah khan kum 22-a upa Miller hi pa-hnihna a lo ni tawh a, khami ṭum khan Felix a champion. Tun ṭumah erawh hun tawp dawna dangdai taka a chet zarah Miller hian hnehna a chang let ve thung.