Brazil gold pahnihna latu Braz

Thiago Braz da Silva chuan Rio Olympic neih mekah mipa pole vaul-t-ah 6.03m a sang zuangin Olympic record thar siam-in kumina an ram gold medal pahnihna a dawng.

Champion lai France tlangval Renaud Lavillenie chuan 5.98m a sang zuangin pahnihna dinhmun a luah a, American Sam Kendricks (5.85m) chu pathumna a ni bawk.

Kum 22-a upa Siva chuan, "Mipuiin min au phur nasa em em a, kha khan chakna leh thathona min pe a, hnehna ka chan theihna hnar an ni," a ti. Silva hian a vawi khat zuan naah 6.03m hi a zo nghal mai bik lo a, a ṭum hnih beih naah a zuan khum thei a ni.

Olympic thengtu Brazil hian nimin tlai thleng khan medal pakua an la tawh a, heng zinga pahnih chu gold niin silver 3 leh bronze pali a tel bawk.