Bolasie man a to

Everton chuan Crystal Palace midfielder Yannick Bolasie chu pound mak-taduai 25-in an lalut a, kum nga chhung atan contract an ziahpui.

DR Congo interna-tional hian kum 2012 khan Bristol City aṭangin Palace hi a zawm a, season li a khelh chhungin match 143-a inlanah goal 13 a khung.

Kum 27-a upa mid-fielder chuan, "Everton ka zawm ṭan ve chauh a ni a, ka ngaihdan chuan hna ka la thawk zo lo. Theihtawp tak meuh chhuah chhunzawma hmun chang ngei tura ka beih a ngai dawn a, chona thar hmachhawn turin ka inpeih a ni," a ti.

Bolasie chuan sawi chhunzawmin, "Ka tan chuan sum hi a pawimawh ber lo a, a pawimawh ber chu he club-in tum a neih leh hmasawn zel a tum dan zawk hi a ni. Kei chuan ka duh ber chu inkhelh hi a ni," tiin Merseyside club chu sum vanga zawm a nih loh thu a sawi.

Everton manager Ronald Koeman chuan, "Yannick hi hun rei tak chhung ka lo enthla tawh a, player chak leh tharum ngah a nih avangin ka winger duh chi tak a ni. Chu zawng aia a ṭhatna chhu forward-ah chuan khawiah pawh a khel lehzel thei hi a ni," tiin a player thar chu a fak hle.

Liverpool khaw club hian Bolasie hma hian goalkeeper Maarten Ste-ke-lenburg, defensive midfielder Idrissa Gueye leh Wales captain Ashley Williams te an lalut tawh.