Fenerbahce leh Advocaat an indawr

Sunderland boss hlui Dick Advocaat chuan Netherlands assistant coach a nihna a bansan hnuah Fenerbahce nen indawrna an nei mek.

Turkish club hian an coach Vitor Pereira chu season khat hnuah a hna aṭangin an ban a, kum 68-a upa Dutch manager hi he thuziak i chhiar meuh chuan an manager a ni tawh hial mai thei.

Advocaat hian March 2015 khan Sunderland chu enkawl ṭanin Premier League-ah a inhamtanpui a, mah se nikum October khan beisei anga season a ṭan loh avangin Black Cats hi a chhuahsan.

Netherlands boss Dan--ny Blind-a hnuaiah Advocaat hi thla thum chhung assistant angin a awm hman a, Netherlands, Russia leh South Korea manager a lo ni tawh bawk.