Vawiinah Badminton Tourney

MSSC ruby jubilee lawm nana Mizoram Badminton Association-in MBA Junior Ranking Tournament a buatsaih chu vawiin aṭang hian Kulikawn YMA Hall-ah neih ṭan a ni dawn, inelna hi 20 August, Inrinniah zawh tura ruahman a ni.

Ranking Tournament hi Junior tan kumin chhunga a vawi hnihna tur niin category hrang hrang 16-ah inelna neih a ni ang. He inelna a cheṭhate tan Mizoram player nih theihna kawng a inhawng dawn a ni. MBA chuan September thla tir aṭangin Catch Them Young Programme buatsaih a tum bakah Mizoram Badminton League Session2 pawh buatsaih a tum leh bawk.