Bournemouth-ah defender thar

Premier League match hmasa bera Man-chester United hneh lotu Bournemouth chuan Stoke City aṭangin defender Marc Wilson an lalut a, kum hnih chhung atan con-tract ziah-puiin pound maktaduai 2 bawr velin an lalut.

Kum 28-a upa defender hian Stoke City-a season ruk a cham chhungin Potters tan match 150 chuang a inlan a, Republic of Ireland tan vawi 24 a inlan tawh bawk. Euro 2016 khelh zawh takah erawh kha chuan khup hliam vangin a inlan thei lo thung.

Wilson chuan, "Stoke-a ka hun hman te kha hlim-awm ka ti em em a, mah se manager Mark Hughes nen inbiakna kan neih hnuah ka chhuah a hun ve tawh tih hi kan thutlukna chu a ni. Ka career-a chona thar hmachhawn tur hian ka phur tawh hle a ni," a ti.