800m champion Rudisha

Kenyan sprinter David Rudisha chuan minute khat leh second 42.15 chhunga 800m tlan thlengin Rio Olympic neih mekah gold medal a dawng.

Kum 27-a upa Ru-disha hian hnehna chang turin harsatna lian tham a tawk lo a, 300m tlan hmabak an la neih aṭangin hmahruaitu a ni. Algeria tlangval Taoufik Makhloufi chuan silver dawngin United States aiawhtu Clayton Murphy chuan bronze a la bawk.

1964 Tokyo Olympic-ah khan New Zealand sprinter Peter Snell chuan 800m title a lo humhim tawh a, ani tih lohah chuan Rudisha hi he inelnaa champion zawn thei hmasa ber a ni.

London Olympic-a gold la tawhtu Rudisha chuan, "Minute khat leh second 42 chhunga 800m tlan thlen kha chu a ropui ka ti a, ka taksa a hrisel ṭhat vanga thleng thei chauh ka ni. Inelna ropui leh hautak taka gold ka la nawn thei hi ka tan chuan a hlu zual hle," tiin a sawi.