El Shehaby an thawn haw

Egyptian judoka Islam El Shehaby chu Rio Olympic aṭangin an ram lamah thawn haw a ni. Kartawp khan Judo mipa 100kg chunglam inelnaah El Shehaby hi Israel tlangval Or Sassona lakah a chak lo a, an inbeih zawhah Sassona chuan a khingpui hi chibai va tum mah se Egypt tlangval hian a lo chhang let duh lo a ni.

International Olympic Committee (IOC) chuan El Shehaby chet dan chu a hmuh hmaih lo, "Olympic infiamnaa inṭhianṭhatna leh inzahtawnna a ti chhia," an ti .

Kum 32-a upa El She-haby chuan a khingpui a chibai loh chhan chu mimal thil vang a nih thu leh judo dan leh hrai a palzut duh loh vang a nih thu sawi mah se Egyptian Olympic Committee chuan an judoka hi Thawh-
ṭanni khan an thawn haw.