Bengaluru Academy Trial

17th August, 2016

I-League champion Bengaluru FC chuan Residential Football Academy changtlung tak din tumin hma an la mek a, an academy-a zir tur naupang zawng tur hian Bengaluru, Mizoram leh Punjab-ah trial an huaihawt dawn.

Bangalore club hian an club Academy-a inzir tur hian naupang kum 16 hnuailam (January 2000 - December 2003 in-kara piang) leh kum 18 hnuailam (January 1998 - December 1999 inkara piang) an la dawn a, player thlan chhuahte hi football piahlamah zirna pangngai pek an ni ang.

Mizorama Trial neih hun tur

A hmun : Rajiv Gandhi Stadium, Aizawl

U-16 : August 22 leh 23, 2016

U-18 : August 24 leh 25, 2016

Registration hi online-a tih tur niin a hrechiang duh tan link: https://goo.gl/G7LkaV ah hian en tur a ni.