Serena a inhnukdawk

Serena Williams chuan a dar na vangin Cincinnati Open a khelh loh tur thu a sawi. American star hian a zawna chawlhkar 183 chhung zet world number 1 dinhmun a lo luah tawh chu hloh thei dinhmunah a ding ta tihna a ni.

Grand Slam vawi 22 champion tawh Serena hi a inlan loh a, seeded pahnihna Angelique Kerber-i'n Cincinnati Open nomawi a chawi a nih bawk chuan German nula hian WTA number 1 dinhmun a luah ang.

Kum 34-a upa Serena chuan, "Ka dar na hi beisei angin a la dam thei lo a, ka ball vuak dan leh chet vel danah harsatna ka la neih avangin ka tan inkhelh a la rem rih lo," tiin Thawhṭannia practice an neih hnuah a sawi.

Rio Olympic-ah Se-rena hian beisei a phak lo a, single third round-ah Ukrainian Elina Svitolina hneh loa a tlak bakah doubles-ah Venue Williams nen an match hmasa berah an chak lo nghal bawk.