Real-in James an mamawh lo

Spanish club lian Real Madrid chuan attacking midfielder James Rodriguez chu club dang zawng turin an hrilh. Kum 25-a upa Colombian player hian Rafa Benitez-a hnuaia hmun a chan meuh loh hnuah Zinedine Zidane-a enkawlna hnuaiah pawh a tlatlum chuang lo a, chhuak tura hrilh a ni ta nge nge a ni.

FIFA 2014 World Cup Golden Boot dawngtu hian Monaco aṭangin Real Madrid hi kum 2014 khan pound maktaduai 65 bawr velin a zawm a, a season hmasa berah vawi 46 inlan nghalin goal 17 a khung. Mahse, Zidane-a'n Lucas Vazquez, Marco Asensio leh Isco te a rin tawh zawk miau avangin James-a tan Santiago Bernabeu-ah hmun a awm lo.