Mahrez-a'n chhuah a tum lo

Tun hnaia chhuak tur anga sawi Leicester City winger Riyad Mah-rez chuan Premier League champion chu a chhuahsan dawn a nih chuan club pahnih emaw pathum chauhin an thlem thluk theih tur thu a sawi a, Premier League-ah a rei thei ang ber cham a duh thu a sawi bawk.

PFA Player of the Year chuan, "Premier League hi league ropui tak a ni a, he hmunah hian a theih anga rei cham ka duh a ni. Khawvel club zingah Foxes aṭanga min la chhuak thei tur chu pahnih thum vel chauh an awm a ni," tiin club hming erawh a sawi lang lo.

Chelsea manager Antonio Conte nen in-hmu anga an sawi chung-changah Mahrez chuan, "Hull City nen kan inkhelh zawh khan Chelsea nen kan hotel awmna a lo in ang reng a, chu chu uar takin an ziak vel mai mai a ni. Ka nuna thil thleng holam tak pawh hi ziah vek an duh a, mah se a dawnsawn dan ka thiam tawh," tiin Stamford Bridge lam pan a tum hmel loh hle.

Algeria international chuan Leicester boss Claudio Ranieri hnuaiah inrintawkna nasa tak a neih belh thu leh hma a sawn thu a sawi lang a, Foxes-a an khelh dan chu nuam a tih thu a sawi bawk - amah duhtu Arsenal leh Chelsea tan hriat nuam a ni lo ang.