Brazil tan Robson Conceicao a hlu

Brazil tlangval Robson Con-ceicao chuan Rio Olympic-ah an ram boxing chanchinah bung thar a kai. Conceicao hi lightweight inelnaah pakhatna niin Brazil mipa emaw hmeichhia emaw zingah boxing inelna bika gold la thei hmasa ber a ni.

Thawhlehni zan khan Concei-cao hian France tlangval Sofiane Oumiha chu unanimous decision-in a hneh a, anmahni rama inhnek an ni bawka Conceicao ṭantute thawm a ring hle. Pathumna inchuh inhnekah Mongolia boxer Otgondalai Dorjnyambuu chuan 2012 bantamweight bronze medalist Lazaro Alvarez a hneh ve bawk.

Conceicao chuan, "Ka nuna hun hlimawm ber chu a ni, ka naupan laiin harsatna ka tawk nasain boxing khel tur hian min phur puitu an awm ngai lo. Mahse tunah chuan Olympic champion ka ni ta," tiin a hun tawn ropui chungchang a sawi.

Kum 27-a upa Conceicao hi Bahia, Brazil a piang niin a naupan lai chuan kawng sira a nu thlai zuar a pui ṭhin, khawlaia insual
ṭhin a pate nun aṭanga boxing hi tui chho niin Beijing 2008 leh London 2012-ah khan Conceicao hi a lo inlan ve tawh a, first round-ah a tla nghal ve ve.

A hun hmasa lamah hlawhlting nghal mai lo mah se 2013 leh 2015 world championship khan bronze medal a la a, an ramin a thlen infiam-na khawmpui lianah inlan zuiin pakhatna dinhmun a luah ta a ni.