FIFA president hlui a thi

Kum 1974 - 1998 inkara FIFA president lo ni tawh Joao Havelange chu nimin khan chuap lam ṭha lo avangin a thi a, kum 100-a upa a ni.

April 2013 khan eiruk thubuaia chhui zingah telin FIFA honorary president a nihna aṭangin banna a thehlut a, kum 2011 khan dam lohna avangin kum 1963 aṭanga member a lo ni tawhna International Olympic Committee (IOC)-ah banna a thehlut bawk.

Havelange hi tui hleuh thiam niin kum 1936 Olympic-ah khan Brazil aiawhin a lo tel tawh a, 1952 Helsinki Games-a Brazilian water polo team-ah telin 1956 Olympics-ah khan Brazil tan chef de mission a ni.

Kum 1974 khan British mi Sir Stanley Rous thlakin FIFA president dinhmun a chelh ṭan a, Brazil Football Federation-ah kum 23 chhung president dinhmun chelh bawkin kum 2012 khan eiruk thubuai avangin Brazil FA hotu nihna hi a bansan.

England striker ropui Gary Lineker chuan, "FIFA president hlui Joao Havelange chu a thi ta. Fotball hnen aṭangin thil tam tak a dawng a ni," tiin eiruk vanga hmingchhia FIFA president hlui hi a thih hnuah meuh pawh a dim duh lo.