Taylor a champion nawn

American Christian Taylor chuan triple jump title a kawl lai humhim turin 17.86m a zuang a, Rio Olympic neih mekah an ram tan gold medal a hlawh chhuak.

Mipa triple jump in-tihsiakah hian an cheṭha hlawm hle a, pakhatna Taylor hian kumina a zuan ṭhat ber ṭum a tawng. Pahnihna American Will Claye pawhin a zuan thui ber ṭum tawngin 17.76m a zuang a - China tlangval Bin Dong (17.58m) chu pathumna a ni.

Taylor hian nikum khan world champion-ship-ah 18.21m zuangin pakhatna a lo ni tawh a, Jonathan Edwards-a'n kum 1995-a world record a lo siam tawh 18.29m erawh a la tluk thei rih lo.

Kum 26-a upa Tay-lor chuan, "Gold medal humhim theih hi duhthusam a ni. Kum 21 chhung zet world record lo ding tawh hi khum tum mah ila tunah chuan ka la thei rih lo a, ka dawhtheih a ngai rih. World record chelhtu ka nih hma chuan ka hmachhawp ka hlen lo tihna a ni ang," tiin infiam-na khawvela hnuhma ropui hnutchhiah a tum hle.