Wilshere-a'n Holding a beisei sang

Arsenal midfielder Jack Wilshere chuan an defender Rob Holding chuan hun harsa tawng mah se nakinah chuan player rinrawl leh ṭangkai a la nih theih a rinthu a sawi chhuak.

Tun nipuii laiin manager Arsene Wenger-a'n kum 20-a upa Holding hi Bolton aṭangin Emirates Stadium-ah a seng lut a, senior defender Per Mertesacker, Gabriel Paulista leh Laurent Koscielny te an inkhelh theih loh avangin Premier League match hmasa berah Livepool hmachhawn tura thlan a ni a - Reds lakah goal li an chhuah.

England international Wilshere chuan, "Khelmual chhunga a chetla vel hi lo en chik ula, ball a chan hian inrintawkna a neih bakah Arsenal khelh dan phung a hre nghal bawk. Bolton aṭangin London-ah a rawn insawm hlim a ni a, atan thil a la awlsam lo. Nakinah chuan Gunners player pawimawh leh rinrawl a ni chho thei ang," tiin a sawi.

Arsenal hian season hmasa khan an league match hmasa berah West Ham an hneh lo a, kuminah pawh an match hmasa berah Liverpool an hneh lo leh - tunkar tawp hian champion lai Leicester City an hmachhawn ang.