Roma-ah loan-in Bruno Peres a lut

Italian club AS Roma chuan Torino aṭangin Bruno Peres chu kum khat chhung atan loan-in an hawh a, an duh a nih chuan season tawpah pound maktaduai 10 velin a nghetin an lalut thei dawn a ni.

Roma hian defender an hawh manah hian Torino hnenah pound nuai riat vel an pe phawt a, a khelhṭhat dan azirin an pek belh leh ang. Peres hi Roma chuan Champions League-a Porto hma-chhawn tur squad-ah an telh nghal ang.

Peres chuan, "Chona thar hmachhawn ka chak tawh a, teammate tharte nena inkhelh hlan ka nghakhleh tawh hle," tiin Roma tana inlan a chak tawh thu a sawi.