Gold pali latu Biles

American tleirawl Simone Biles chuan hmei-chhe floor exercise-ah point 15.966 hmuin pakhatna a ni a, Rio Olympic neih mekah an ram tan gold medal pali zet a dawng ta.

Biles teammate Alexan-dra Raisman (15.500) chu pahnihna niin Great Britain tleirawl Amy Tinkler chuan point 14.933 hmuin bronze medal a dawng. Olympic-ah kum 16-a upa Tinkler hi Britain zinga mimal gymnastics medal dawng thei pahnihna a ni.

Rio Olympic-ah US tan Michael Phelps leh Katie Ledecky te tuihleuhah gold pathum ve ve lain an lang-sar viau a, tuna hming lamrik zin ber chu Biles a ni ta - ani hi all-around, vault leh team bakah floor exercise-ah te a chungnung ber a ni.