Match commissioner Bawla

All India Football Federation buatsaih Match Commissioner Seminar, New Delhi-a neiha Mizoram Football Association aiawha tel Lalrawngbawla chu AIFF hnuaia Match Commissioner ni thei tura exam-ah a tling a, Mizo zinga a hmasa ber a ni.

August 9 & 10-a neih Match Commissioner Seminar-ah hian India ram hmun hrang hrang aṭangin AIFF hnuaia Match Commissioner nih theih beiseiin mi 51 an kalkhawm a, football-a inkaihhruaina dan chi hrang hrang zirhona neih a nih hnuah exam neih niin Bungkawn Veng pa Lalrawngbawla hi mi 29 thlan chhuah zingah a tel.