Pune-in Gudjohnsen an duh

Indian Super League club Pune City chuan season thar atan Eidur Gudjohnsen lakluh tumin hma an la mek. Kum 37-a upa striker hian season hman zawh takah khan Ole Gunnar Solskjaer-a enkawl Norwegian club Molde FK tan a khel a, club nei loin a awm mek.

Euro 2016 khelh zawh taka Iceland tana inlan Gud-johnsen hian club hrang hrang 15 tan khel kual tawhin Chelsea leh Barcelona chu a club khelh tawhnaa langsar pawl an ni a, Premier
League, La Liga leh Champions League-ah nomawi lo chawi tawhin ISL season hmasa ber ṭan dawnah khan Pune bakah hian Mumbai City leh Delhi Dynamos chuan lakluh tumin an lo dawr tawh a ni.