Real tan Bale leh Kross inlan

La Liga inbuatsaihna match hnu-hnung ber atan Thawhlehni zan khan Real Madrid chuan Stade Reims 5-3 a hnehin Santiago Bernabeu trophy an chawi.

He inkhelah hian Euro 2016 khelh vanga chawlh nei rei bik Gareth Bale leh Toni Kroos ten inkhel bul an ṭan. Portugal captain Cristiano Ronaldo erawh hliam vangin a la inkhel thei lo.

Germany international Kroos hian goal khung lo mah se an goal hmasa pahnih Nacho leh Sergio Ramos te thun tur a siam sak - Real goal dang hi Alvaro Morata, Mariano Diaz Mejia leh James Rodriguez te khung a ni.

Real hian kar hmasa khan Sevilla chu 3-2 a hnehin UEFA Super Cup an lo la tawh a, August 21 khian tun season-a an league match hmasa ber atan Real Sociedad khel turin an zin chhuak ang.