TT champion China

China mipa Table tennis team chuan Japan lakah 3-1 a hnehna changin Rio Olympic champion an ni. Germany chuan South Korea lakah 3-1 a hnehna changin bronze medal an la ve bawk.

China tan hian Ma Long, Jike Zhang leh Xu Xin te an inlan a, an khingpui Japan tan hian Koki Niwa, Jun Mizutani leh Maharu Yoshimura te an inlan thung.

Japan tan single match hmasa berah Koki Niwa chuan Ma Long hneh mah se Jun Mizutani-a'n Xu hneh zuiin 1-1 a ni. Doubles-ah China bawk chungnung zuiin Ma hian Yoshimura lakah 11-1, 11-4, 11-4 a hnehna changin an ram a champion pui.

Kum 1988 aṭang khan Olympic-ah TT inelna hi telh ṭan a ni a, gold medal 32 awm tawh aṭanga 28 zet chu China hian an hui. Rio-ah bik pawh hian gold medal pali an la kim vek a, he inelna hi an thunun hneh hle a ni.