NorthEast United-ah Brazilian keeper

Indian Super League club NorthEast United chuan season thar atan Brazilian keeper Wellington de Lima Gomes Lima chu Portuguese first division club CS Maritimo aṭangin an lalut.

Kum 26-a upa keeper hian Brazil Serie B club ABC Futebol Clube-ah a career ṭanin Portuguese Primeira Liga club Maritimo hi kum 2012 khan a zawm a, a hun tam zawk hi second choice nichung-in a hmang. Highlanders-ah hian tawnhriat ngah Subrata Paul leh Rehenesh TP te nen hmun an inchuh dawn a ni.

Hetihlai hian season hman zawh taka NorthEast United captain Cedric Hengbart chuan season hmasa bera a lo khelh tawhna Kerala Blasters a zawm thung. Kum 36-a upa keeper hian Ligue 1 leh Ligue 2 lamah J Auxerre leh SM Caen tana lo inlan tawhin tawnhriat a ngah tawh hle.