FIFA hnenah Sporting Goa an zualko

Sporting Clube de Goa chuan khawvela football thuneitu sang ber FIFA leh AFC (Asian Football Confederation) hnenah lehkha an thawn a, All India Football Federation (AIFF)-in dan mumal awm loa India ram league sang bera Indian Super League dah a tum leh League One lama I League club ho paih thlak a tum dan chungchang an ziak.

Goan club chuan FIFA dan bua Article 9-ah chuan ram khat league inel-na sang bera inlan tur club chuan promotion paltlangin a khel tur a ni tih behchhanin FIFA hnenah AIFF hi an hek a, tun hnaia Indian football kalpui tum a nih dan chu awmze nei lo mai a nih thu an sawi a ni.

Sporting bakah hian Salgaocar FC chuan AIFF laka an thil phut a hlawhltin loh chuan I League aṭanga inhnuhdawh an tum thu an lo sawi tawh a, Dempo SC leh Shillong Lajong chuan Indian Super League chu India rama league sang ber a nih dawn chuan I League club-te an tel ve an phut bawk.