Murray leh Nadal an chawl hman lo

Andy Murray leh Ra-fael Nadal te chuan Rio Olympic-ah an ram tan gold hlawh chhuak hlim chauh mah se chawlh nei hman loin Cincinnati Mas-ters-ah an inlan zui leh nghal.

World number 2 Murray hian Juan Monaco lakah 6-3, 6-2 a hnehna changin third round a lut. Olympic singles champion hian a darah hliam tenau nei mah se inkhelh harsat phahna tham erawh a ni lo a, tun hnaiah a zawnin match 19 zet hnehna a chang ta - third round-ah South African Kevin Anderson a hmachhawn leh ang.

Inkhel dangah seeded pathumna Nadal pawhin a match hmasa berah harsatna tawk loin Pablo Cuevas chu 6-1, 7-6 (7-4) in a hneh. Grand Slam vawi 14 champion tawh Nadal hi a banrek na a dam hnuah Olympic doubles champion a ni leh tawh a, single-ah erawh palina a ni thung.

Mipa inkhel dangah 2014 French Open cham-pion Stan Wawrinka pawh-in Jared Donaldson lakah 2-6, 6-3, 6-4 in hnehna a chang a, hetihlai hian Nick Kyrgios erawh Borna Coric hneh loin a tla thung.

Hmeichhe inelna lamah Australian Open champion Angelique Kerber chuan world number 1 nih theihna tura hun ṭha a neih chhawr ṭangkai nghalin a match hmasa berah Kristina Mladenovic chu 6-0, 7-5 in a hneh.

Cincinnati Masters-ah hian WTA number 1 Serena Williams chu a dar nat vangin a inlan lo a, hei vang hian German nula Kerber hi a champion a nih chuan chawlhkar 183 hnua a vawi khat nan number 1 thar a ni ang.

Hmeichhe inkhel dang-ah French Open cham-pion Garbine Muguruza chuan American Coco Van-deweghe chu 7-6(4), 6-2 in a hneh a, Simona Halep pawhin minute 55 chhungin German Annika Beck chu 6-3, 6-1 in a hneh ve bawk.