Thompson a vul nawn

Rio Olympic neih mek---ah hmeichhe tlanchak hmingthang a awm a, a hming chu Elaine Thompson a ni. Jamaican sprinter hian 100m-a gold a lak hnuah Nilaini zan khan 200m-ah hnehna a chang leh ta.

Kum 24-a upa Thomp-son hian pakhatna ni turin second 21.78 hun a hmang a, pahnihna Ne-therlands nula world champion nilai Dafne Schippers nen an in-thlauh-na chu 0.13sec ni-in United States nula Tori Bowie (22.15) chuan bronze medal a dawng thung.

Thompson chuan, "Veronica Campbell-Brown leh Shelly-Ann Fraser-Pryce te huanga ka hming a chuang ve tawh tur hi ka lawmin a ropui ka ti," a ti.

Campbell-Brown hian Athens 2004 leh Beijing 2008-ah te khan 200m intlansiakah gold a lo la tawh a, hetihlai hian Fraser-Pryce pawh Beijing leh London 2012-ah khan 100m champion a lo ni tawh - kuminah Thompson hian 100m leh 200m-ah gold a dawng kawp a ni.

Jamaica hian Olympic 100m leh 200m intlansiak an thunun hneh hle a, gold medal dawn theih hnuhnung 11 aṭanga 10 zet an hui thei.