Neymar-a hoin final-ah Brazil

Brazil captain Ney-mar-a'n second 14-na lek-ah goal khungin Olympic football chanchina goal rang ber a khung a, Brazil chuan 6-0 a Honduras sawpin Olympic football final an lut ta.

Olympic thlengtu ram Brazil hian 2014 World Cup thlengtu an nih
ṭuma semifinal-a 7-1 a an hneh loh Germany chu final-ah an hmachhawn dawn. Germany hian final lut turin Nigeria chu 2-0 in an hneh ve thung a ni.

Brazil an thiam tawlh tawlh

Brazil-in olympic football-ah beisei angin bul an ṭan lo a, an match hmasa pahnihah football ram tenau a ngaih South Africe leh Iraq chu goal khung loin an inhneh-tawkpui a, fan-te an au nawmnah hial.

Mahse, semifinal a thlen meuh chuan Brazil tak tak an inlar a, Argentina awm-na group aṭanga semi-final thleng inpetkai thei Honduras lakah hma taka goal an khung hnuin an hawikir tawh lo.

Barcelona forward goal khung hnu lawkah Gabriel Jesus chuan goal hnih dangin a chhun-zawm ve lehnghal a, pound maktaduai 27-a Man-chester City zawmtu forward hian a khel ṭha hle.

Secondhalf-ah Brazil tan Marquinhos, Luan leh Neymar (penalty) ten goal khat ṭheuh an khung ve leh a, Honduras player-ten Brazil hmaah tih theih an nei lo.

German ral a lian

Semifinal inkhel dangah Germany-in kum hnih liam taa World Cup nomawi an lo chawi tawhna rama Olympic gold medal awrh ngei tumin Nigeria chu Lukas Klostermann leh Nils Petersen goal khung hmangin 2-0 in an hneh.

Germany-in goal an khung hmaa, minute 9-na lekah Lukas Klostermann hmangin hmahruaina goal an khung. Germany goal hmasa khung turin Serge Gnabry che vel a mawi a, Arsenal mid-fielder hian Maximilian Meyer ball a pek hnuah Schalke forward hian Klostermann tan siamsak ve lehin RB Leipzig defender tan hna harsa a awm lo.

An goal hnihna khung tur erawhin Germany-in an nghah rei a ngai a, Fiji 10-0 a an sawp ṭuma goal nga khungtu SC Freiburg striker hian Davie Selke ball cross chu minute 89-naah an chak nemngheh nan a khung a ni.