Bengaluru FC Academy-a lut duh tan

I League champion Bengaluru FC chuan a vawi khatna atan resi-dential academy an buat-saih dawn a, he academy-a luttte hi a thlawnin football leh lehkha zirtir an ni ang. August 22-25 chhungin he academy-a lut tur Under 16 leh Under 18 player an zawng dawn a ni.

Under-16 hi January 2000 leh December 2003 inkara piang tan a ni a, Under-18 hi January 1998 leh December 1999 inkara piangte tan a ni. Dutch coach John Kila chu Head of Youth Development a ni dawn a, India rama football zirna ṭha ber din an tum a ni.

August 22&23-ah Under 16 tan hun an hawng ang a, August 24&25-ah Under 18 tan a ni thung ang. MFA Office, City Park-ah chhun dar 11:00 leh dar 1:00 inkarah form a lak chhuah theih ang.