Dinamo Kiev-in Galatasary an chelh

Europa League-ah Galatasaray-in dinhmun ṭhaa insawhngheh theihna hun ṭha an bawhpelh a, table mawngphaha awm Dinamo Kiev nen 3-3 in an inhnehtawk.

Rams Park, Instanbul-ah Galatasary-in bul an ṭan ṭha a, Davinson Sánchez -a'n minute rukna lekah a tauh lut nghal. Minute 21-naah Abdulkerim Bardakci-a'n box pawn aṭangin a khung belh a, mipui thawm a ṭha hle.

Dinmamo Kiev-in Vladyslav Vanat hmangin minute 44-naah siphurh sut ṭhen ve mah se minute 53-naah Victor Osimhen-a'n penalty aṭangin a khung. Galatasaray-in 3-1 in hma an hruai a, chak tur chiang tawhah ngaih a ni.

Mahse, Dinamo Kiev tan Andriy Yarmolenko a rawn lang a, minute 68-naa siphurh a sut ṭhen hnuah minute 81-naah siphurh a sut zo. 3-3 in inkhel a tawp a, Ukrainian club-in tun season Europa League-a an point hmuh hmasak ber a ni.

Galatasaray erawhin point hnih an hloh avangin pathumnaa awm theihna hun ṭha an bawhpelh a, last 16 lut nghal turin an dinhmun a la chiang lo bawk.