Navas-a'n Newell’s Old Boys a pan

Real Madrid leh PSG goalkeeper hlui Keylor Navas chuan free transfer-in Newell’s Old Boys a zawm a, June 2026 thleng daih contract a ziak.

Costa Rican keeper hian Real Madrid-ah hming a chher a, Santiago Bernabeu a chhuahsan hnuah tlak hniam lam a pan. Navas hian PSG a pan a, Paris club hian Gianluigi Donnarumma an lakluh hnuah khelhna hmun a chan tam loh avangin kum 2023 khan loan-in Nottingham Forest a pan.

Kum 38 mi Navas hian Saudi club Al Hilal sawmna a hnar a, nikum nipui khan PSG-a a contract a tawp. Club nei loa kum chanve a a awm hnuah Newell’s Old Boys a zawm a, he club hi Lionel Messi naupan laia a khelhna ṭhin a ni.